03/16/2020 құқықтық пәндер кафедрасының оқытушылар құрамының кездесуінде каф. меңгерушісі з.ғ.к., асс. проф. Н.Ж. Апахаев кафедраның профессорлық-оқытушылық құрамына коронавирустық инфекцияның таралуына қарсы іс-шаралар аясында Қазақстан Республикасы Президентінің Қасым-Жомарт Тоқаевтың жарлығына сәйкес Қазақстанда төтенше жағдай кезінде онлайн-технологиялар бойынша оқу процесін ұйымдастыру мәселелері бойынша түсіндірді.
Күндізгі оқу нысанындағы «Құқықтану» ОБ студенттері қашықтықтан оқытуға ауысуына байланысты, пандемия кезінде коронавирустық инфекцияның таралуын болдырмау үшін жоғары оқу орындарында оқу процесін ұйымдастыру бойынша әдістемелік ұсыныстар түсіндірілді. Сондай-ақ, онлайн сабақ өткізуге арналған электронды платформаларға және басқа да электронды көздерге (Platonus, moodle, classroom, zoom, whatsapp, telegram) қол жетімді оқу процесін ұйымдастыру тәртібі, белгіленген жұмыс жоспарына, оқу бағдарламасына және оқу процесінің кестесіне сәйкес өткізілуі түсіндірілді.
