ҚҰЖҒА академигі, пс.ғ.д., профессор М.Ә.Перленбетовтың 60 жылдық мерейтойына арналған «Психология ғылымы мен тәжірбиесінің қоғамдағы әлеуметтік мәселелерді шешудегі ролі» атты халықаралық ғылыми-әдістемелік конференция Қайнар Академиясының Президент-ректоры, ҚҰЖҒА академигі Е.С.Омаровтың жетекшілігімен өтеді.
17 мамыр 2021 жыл. Сағат 12.00. (Нұр-Сұлтан бойынша)
Өткізілу форматы: Zoom онлайн платформасы (Конференция идентификаторы: 685 763 9975, кіру коды: 4455)
Пленарлық мәжілісте ҚҰЖҒА вице-президенті, ҚР ҰҒА академигі, фил.ғ.д., проф. К.А.Құрманалиев, пед.ғ.д, пс.ғ.д., проф., ҚР ҰҒА Құрметті академигі Қ.Б.Жарықбаевтың құттықтау баяндамалары тыңдалады.
Конференция модераторлары: А.Ж.Сапарбаев- э.ғ.д., профессор, Қайнар Академиясының ғылыми істер жөніндегі проректоры, ҚР Ұлттық ғылым академиясының Құрметті Академигі, ҚР Еңбек сіңірген қайраткері.
М.А.Еркінбекова- пс.ғ.к, доцент, «Педагогика, психология және әлеуметтік пәндер» кафедрасының меңгерушісі.
Пленарлық мәжілісте сөз алатындар: Ресей психологиялық қоғамының вице-президенттері: пс.ғ.д, профессорлар, РАО академигі С.Л.Кандыбович, пс.ғ.д., Ресей Федерациясы Президентінің жас ғалымдарға ғылым мен инновация саласында беретін Мемлекеттік премияның лауреаты А.Н.Веракса (М.В.Ломоносов ат. ММУ, Москва, РФ), В.В.Козлов- пс.ғ.д, проф., Халықаралық психологиялық ғылымдар академиясының Президенті, П.Г.Демидов атындағы Ярославль мем. университетінің саяси және әлеуметтік психология кафедрасының меңгерушісі (РФ), Б.Р.Кадыров- пс.ғ.д, проф. М.В.Ломоносов ММУ-нің Ташкентегі филиалы (Өзбекстан Республикасы), Ч.А.Шакеева- пс.ғ.д, проф., Қырғыз-Ресей білім академиясының ректоры, Ресей Федерациясының педагогикалық және әлеуметтік ғылымдар Академиясының академигі (Бішкек қ., Қыргызстан), В.Ю.Стефаник- в.ғ.д., проф. С.Ж.Гжицский ат. Львов ұлттық университеті (Львов қ., Украина), психолог, Е.В. Ларионова-Усикова - психолог-практик, Қайнар университетінің бітірушісі (Мадрид қ., Испания), Ж.И.Намазбаева, Х.Т.Шерьязданова- пс.ғ.д, профессорлар, ҚР ҰҒА Құрметті академиктері.
Сонымен қатар конференцияның жұмысына қатысатын ғалымдар: пс.ғ.д, профессорлар А.К.Сатова, А.Т.Ақажанова (Абай ат. ҰПУ), З.Б.Мадалиева (әл-Фараби ат. ҚазҰУ), А.Р.Ерментаева (Л.Н.Гумилев ат. Евразия ҰУ), Б.А.Әмірова (А.Букетов ат. ҚарМУ), О.С.Саңғылбаев (Тұран университеті), сонымен қатар Қазақстан Республикасына танымал практик психологтар қатысады.
Халықаралық конференция аясында «Қазақ психологиялық қоғамының» II-ші съезі өтеді. Съезд делегаттары Қоғамның 2015 жылдан бері атқарылған жұмыстарын талқылап, даму және интеграция векторларын айқындап, миссиясын жүзеге асыруға бағытталған резолюция қабылдайды.